ریاض: (ویب ڈیسک) مسجد الحرام میں رش سے بچنے اور ضیوف الرحمن کو سہولت فراہمی کے پیش نظر عمرہ زائرین کو پرمٹ میں درج مقررہ وقت کی پابندی کرنے کی ہدایت کر دی گئی۔
سعودی محکمہ امن عامہ کی جانب سے جاری کردہ بیان میں کہا گیا کہ زائرین عمرہ پرمٹ پر درج تاریخ اور وقت کی سختی سے پابندی کریں اور دی گئی تاریخ اور وقت پر عمرہ ادا کریں۔
ڈپٹی سیکرٹری حج وعمرہ کے مطابق عمرہ کا پرمٹ حاصل کرنے کے لئے ’نسک ایپ‘ بنائی گئی ہے، زائرین ایپ کے ذریعے عمرہ پرمٹ حاصل کرسکتے جس میں عمرہ کی تاریخ اور وقت دیا گیا ہوتا ہے۔
نسک ایپ کو وزارت حج و عمرہ اور سیاحت اتھارٹی کے تعاون سے ڈیزائن کیا گیا ہے۔
