واشنگٹن: (ویب ڈیسک) اوتھ کیپرز کے بانی اسٹیورٹ روڈس 2020 کے انتخابات کے بعد امریکی صدر جو بائیڈن کو اقتدار سنبھالنے سے روکنے کی سازش کے مجرم قرار دے دیئے گئے۔
امریکی جیوری نے اسٹیورٹ روڈس کو دو ماہ کے مقدمے کی سماعت کے بعد بغاوت کی سازش کے الزام میں قصور وار قرار دیا ہے۔
استغاثہ نے کہا کہ اس نے ڈونلڈ ٹرمپ سے مسٹر بائیڈن کو اقتدار کی منتقلی کو روکنے کیلئے مسلح بغاوت کی منصوبہ بندی کی، گروپ میں سے تین جیسکا واٹکنز، کیلی میگس اور کینتھ ہیرلسن حملے کے دوران کیپیٹل ہل کے اندر گئے تھے۔
میگس کو بھی بغاوت کی سازش کا ذمہ دار ٹھہرایا گیا، گروپ کے تین ارکان ہیرلسن، واٹکنز اور کالڈ ویل کو بغاوت کی سازش کا ذمہ دار نہیں ٹھہرایا گیا۔
