انگلینڈ کیخلاف سیریز میں یادگار کارکردگی دکھانا ہدف ہے: نواز

اسلام آباد : (ویب ڈیسک) پاکستان کے آل راؤنڈر محمد نواز کا کہنا کہ انگلش کھلاڑی جارحانہ کرکٹ کھیلتے ہیں، ہم بھی اُسی حساب سے تیاری کر رہے ہیں۔
انگلینڈ کے خلاف ٹیسٹ اسکواڈ میں شامل محمدنواز نے اسلام آباد میں میڈیا سے گفتگو کرتے ہوئے کہا کہ ٹیسٹ اسکواڈ کےتمام کھلاڑیوں کی تیاری اچھی چل رہی ہے، ٹیسٹ میچ کھیلنےکا موقع ملا تو بطور آل راؤنڈر ہی کھیلوں گا۔انہوں نے کہا کہ کنڈیشنر کےحساب سےمیچ کےلیےاپنی تیاری کرتا ہوں، ریڈ بال فارمیٹ میں پرفارمنس دینےکےبعد وائٹ بال فارمیٹس کھیلنا آسان ہو جاتا ہے۔
محمد نواز نے کہا کہ سیریز میں یادگار کارکردگی دکھانا ہدف ہے، پنڈی کرکٹ اسٹیڈیم میں ٹیسٹ میچ کھیلنےکاموقع ملاتو ہوم گراؤنڈ پرپہلا میچ ہوگا، بہت خوش ہوں کیونکہ کافی عرصےبعد پاکستان میں کرکٹ شروع ہوئی ہے۔
آل راؤنڈر نے کہا پاکستان میں کرکٹ کی بحالی سےنوجوان کھلاڑیوں کو فائدہ ہوگا۔