منگل، بدھ تک نئے آرمی چیف کا نام سامنے آجائے گا، خواجہ آصف

اسلام آباد: (ویب ڈیسک) وزیردفاع خواجہ آصف نے کہا ہے کہ منگل یا بدھ تک نئے آرمی چیف کا نام سامنے آ جائے گا۔
وزیر دفاع خواجہ آصف نے اپنے ایک بیان میں کہا ہے کہ نئے آرمی چیف کا نام بھی سامنے آجائے گا اور 29 نومبر کو تقریب بھی ہوگی۔
انہوں نے کہا کہ منگل یا بدھ تک نئے آرمی چیف کا نام سامنے آجائے گا اور جو بھی نام ہوا اس پر عسکری اور سیاسی قیادت کا مکمل اتفاق ہو گا۔
خواجہ آصف نے کہا کہ اگلے ہفتے آپ کے سامنے نئے آرمی چیف کا نام آجائے گا اور آرمی چیف کی تعیناتی کا عمل پیر سے شروع ہو جائے گا جبکہ اسحاق ڈار کی صدر سے ملاقات میں اس پر کوئی بات نہیں ہوئی۔
انہوں نے کہا کہ کوئی بھی فیصلہ اتحادیوں کی مشاورت کے بغیر نہیں ہو رہا اور سسٹم میں فوج کی اہمیت کو نظر انداز نہیں کر سکتے جبکہ اگر وہ کہتے ہیں کہ نیوٹرل ہو گئے ہیں تو ان کو عزت دیں۔
وزیر دفاع نے کہا کہ جو نام سمری میں آئیں گے انہیں میں سے ایک پر اتفاق ہو گا جبکہ اتحادیوں میں اختلاف کی خواہش عمران خان کی ہو سکتی ہے مگر یہ سچ نہیں۔