معمولی جھگڑے پر تیزاب گردی، خواتین سمیت 4 افراد جھلس کر زخمی

لاہور: (ویب ڈیسک) شاہدرہ ٹاؤن میں تیزاب گردی کے باعث خواتین سمیت چار افراد جھلس کر زخمی ہوگئے۔
لاہور کے علاقے شاہدرہ ٹاؤن میں رشتہ داروں میں معمولی جھگڑا خوف ناک صورت اختیار کرگیا، مشتاق نے گھر میں داخل ہو کر خواتین بچوں سمیت چار افراد پر تیزاب پھینک دیا، تیزاب سے جھلسنے والوں میں 11 سالہ صدف، رفعت، راشد اور صادق شامل ہیں۔
پولیس حکام کے مطابق زخمیوں کو طبی امداد کے لئے میو ہسپتال منتقل کر دیا گیا، ملزم مشتاق کو تھانہ شاہدرہ ٹاؤن پولیس نے گرفتار کرلیا۔