’’اور سیلکیٹ کریں ایوریج لوگ‘‘ شعیب اختر ٹیم مینجمنٹ پر برس پڑے

اسلام آباد: (ویب ڈیسک) قومی کرکٹ ٹیم کے سابق فاسٹ بولر شعیب اختر نے زمبابوے کے ہاتھوں شکست پر ٹیم مینجمنٹ اور بورڈ انتظامیہ کو سخت تنقید کا نشانہ بنایا ہے۔
اپنے وی لاگ میں پاک زمبابوے ورلڈ کپ ٹی ٹوئنٹی میچ پر تبصرہ کرتے ہوئے انہوں نے کہا کہ زمبابوے کے ہاتھوں شکست شرمناک ہے۔
انہوں نے کہا کہ پاکستان اب ٹورنامنٹ سے پریکٹیکلی نہیں تو ٹیکنیکلی باہر ہو گیا ہے۔
ان کا کہنا تھا کہ ہمارے اوپنرز اور مڈل آرڈر کام کے نہیں ہیں کہ ہم تسلسل سے کامیابیاں حاصل کر سکیں۔
شعیب اختر نے بابراعظم کو تنقید کا نشانہ بناتے ہوئے کہا کہ ان کی کپتانی میں بہت مسائل ہیں، بہت بار کہا کہ وہ ون ڈاؤن آئیں مگر نہیں سنتے۔
انہوں نے کہا کہ فخر زمان کو آپ نے استعمال ہی نہیں کیا جو بیک فٹ پر اچھا کھیلتے ہیں۔
ان کا کہنا تھا کہ آپ کی مایوس کن کارکردگی کا ہمیں بھارتی میڈیا پرجواب دینا پڑتا ہے، یہ لوگ تو سامنے نہیں آتے۔
راولپنڈی ایکسپریس نے کہا کہ اور سیلکیٹ کریں ایوریج لوگوں کو، اور لائیں نالائق لوگ جو ایسی ٹیم کا انتخاب کرتے ہیں اور پھر ایسے ناقص نتائج آتے ہیں۔