لاہور: (ویب ڈیسک) ٹی 20 ورلڈ کپ کے گروپ ون کا افغانستان اور نیوزی لینڈ کا میچ بارش کی نذر ہوگیا جس کے باعث دونوں ٹیموں کو ایک، ایک پوائنٹ دے دیا گیا۔
آسٹریلیا میں میگا ایونٹ کا سپر 12 مرحلہ جاری ہے جہاں نیوزی لینڈ اور افغانستان کے درمیان میچ ہونا تھا تاہم بارش کے باعث یہ میچ نہ ہوسکا اور شروع ہونے سے پہلے ہی ختم کردیا گیا۔
اس سے قبل آئرلینڈ نے فیورٹ ٹیم انگلینڈ کو اپ سیٹ شکست سے دوچار کیا، آئرلینڈ نے ڈک ورتھ لوئس میتھڈ کے تحت انگلینڈ کو 5 رنز سے شکست دی۔
