پی ٹی آئی کا استعفوں سے متعلق آڈیو لیک پر سپریم کورٹ سے رجوع

اسلام آباد: (ویب ڈیسک) پی ٹی آئی نے قومی اسمبلی میں استعفوں کی منظوری سے متعلق آڈیو لیک پر جوڈیشنل کمیشن کی تشکیل کے لیے سپریم کورٹ میں متفرق درخواست دائر کر دی۔
وزیراعظم اور وفاقی وزرا کی پی ٹی آئی سے متعلق آڈیو لیکس کا ٹرانسکرپٹ سپریم کورٹ میں جمع کرا دیا گیا، درخواست میں موقف اختیار کیا گیا کہ وزیراعظم اور وفاقی وزرا نے سپیکر کے ساتھ مل کر پی ٹی آئی استعفوں سے متعلق فوج داری سازش کی، وزیراعظم اور وفاقی وزرا نے اپنے حلف کی خلاف ورزی کی ہے۔
پی ٹی آئی نے سپریم کورٹ سے استدعا کی ہے کہ استعفوں سے متعلق آڈیو لیک کی تحقیقات کے لیے انکوائری کمیشن تشکیل دیا جائے۔
تحقیقاتی کمیشن وزیراعظم، وزیر داخلہ، وزیر قانون، وزیردفاع اور سپیکر قومی اسمبلی سے تحقیقات کرے، پی ٹی آئی نے متفرق درخواست استعفوں سے متعلق زیر التوا مقدمے میں دائر کی۔