پاک انگلینڈ کھلاڑی چوتھے ٹی 20 میں آج پھر مدمقابل ہوں گے

کراچی: (ویب ڈیسک) پاک انگلینڈ سیریز میں ایک روزہ آرام کے بعد پاک انگلینڈ کھلاڑی آج پھر اِن ایکشن ہوں گے، چوتھے ٹی ٹونٹی جیتنے کیلئے دونوں ٹیمیں زورآزمائی کریں گی، قومی شاہینوں نے کم بیک کرنے کا عزم ظاہر کر دیا، مہمان انگلش پلیئرز نے بھی برتری بڑھانے پر نظریں جما لی ہیں۔
نیشنل سٹیڈیم کراچی میں آج کا سنڈے فُل کرکٹ ڈے ہوگا، پاکستان اور انگلینڈ کے درمیان سیریز کا چوتھا میدان لگے گا، میچ رات ساڑھے 7 بجے شروع ہوگا، پاک انگلش ٹیموں میں زور کا جوڑ پڑے گا، دونوں ٹیمیں ایک روزہ آرام کے بعد پھر اِن ایکشن ہوں گی۔
قومی کھلاڑیوں کا آپشنل ٹریننگ سیشن ہوا، نوجوان محمد حارث، شان مسعود، آصف علی، خوشدل شاہ، نسیم شاہ، ابرار احمد اور عامر جمال نے نیٹ پریکٹس کی۔
سات ٹی 20 میچز کی سیریز میں ٹیمیں آخری بار کراچی میں مدمقابل ہوں گی، کھلاڑیوں نے اسے یادگار بنانے کی ٹھان لی ہے۔
سیریز میں دو ایک کا سکور ہے، بابر اعظم الیون خسارہ ختم یعنی کم بیک کرنے کے لئے پرعزم جبکہ مہمان کرکٹرز کی نظریں پھر جیت پر جم گئیں۔