تازہ تر ین

ایسی تباہی کہیں نہیں دیکھی، دنیا کو سیلاب سے تباہی کا اندازہ نہیں، انجلینا جولی

لاہور: (ویب ڈیسک) انجلینا جولی کا کہنا ہے کہ میں نے ایسی تباہی اپنی زندگی میں کہیں نہیں دیکھی۔پاکستان میں جو صورتحال ہے دنیا کو اس پر جاگنا چاہیے۔ جو تباہی ہوئی ہے، دنیا کو اس کا اندازہ ہی نہیں ہے۔
سیلاب متاثرین کیلیے پاکستان آنے والی اقوام متحدہ کی خصوصی سفیر انجلینا جولی نے نیشنل فلڈ رسپانس کوآرڈینیشن سینٹر کا دورہ کیا۔ انہوں نے پاکستان میں سیلاب کی تباہ کاریوں پر دنیا کی توجہ مرکوز کرانے کے عزم کا اظہار کیا۔
ہالی ووڈ اداکارہ انجلینا جولی نے بدترین تباہی، عوام کی مشکلات اور پاک فوج کے ریلیف آپریشن کی حقیقی منظر کشی پیش کی ۔ ان کا کہنا تھا کہ کوئی بھی امدادی سرگرمی دیکھی تو وہ پاک فوج کر رہی ہے۔ہر جگہ پاک فوج کو عوام کی مدد کرتے، زندگیاں بچاتے دیکھا۔
ان کا کہنا تھا کہ جن زندگیوں کو بچایا گیا، ان سے بات کی مگر وہ ابھی محفوظ نہیں۔جو تباہی ہوئی ہے، دنیا کو اس کا اندازہ ہی نہیں۔آنے والے ہفتوں میں بھرپور مدد نہ پہنچی تو بچنے والے بھی نہیں بچیں گے۔
ان کا کہنا ہے کہ میں نے ایسی تباہی اپنی زندگی میں کہیں نہیں دیکھی۔ زندگی و موت کی کشمکش میں مبتلا ان انسانوں میں بے شمار بچے ہیں۔متاثرین کو خوراک، شیلٹر، طبی سہولیات کی ہنگامی ضرورت ہے۔
انہوں نے کہا ہے کہ پہلے جب بھی آئی پاکستانی عوام کو افغان عوام کی مہمان نوازی کرتے پایا۔آج پاکستانی خود بڑی قدرتی آفت کا شکار ہیں۔
انجلینا جولی نے عالمی برادری سے پاکستانی سیلاب متاثرین کی مدد کے لیے ڈو مور کا مطالبہ کرتے ہوئے کہا ہے کہ پاکستان میں جو صورتحال ہے دنیا کو اس پر جاگنا چاہیے۔یہ بہت سارے لوگوں کی زندگی و موت کا مسئلہ ہے۔
ان کا کہنا ہے کہ کلائمیٹ چینج کے کم ذمہ دار ممالک کو تباہی اور اموات کا دوسروں کی نسبت زیادہ سامنا ہے۔مصیبت کی اس گھڑی میں میرا دل عوام کے ساتھ ہے۔انجلینا جولی نے بار بار متاثرین کی مدد کے لیے پاکستان آنے کے عزم کا اظہار بھی کیا۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv