امریکی شہری نے ایک پہیے والی سائیکل پر طویل سفر طے کرکے عالمی ریکارڈ بنا لیا

آئڈاہو: (ویب ڈیسک) امریکا میں ایک شخص نے ایک پہیے والی سائیکل پر کرتب دِکھاتے ہوئے 49.47 کلومیٹر کا سفر طے کرکے گینیز ورلڈ ریکارڈ توڑ دیا۔
امریکی ریاست آئیڈوہو سے تعلق رکھنے والے ڈیوِڈ رش، جو اسٹیم ایجوکیشن کے فروغ کے لئے تقریباً 250 گینیز عالمی ریکارڈ توڑ چکے ہیں، ان کا کہنا تھا کہ انہوں نے ریکارڈ بنانے کی کوشش کے لیے اپنی ایک پہیے والی سائیکل سے 20 اِنچ والا پہیہ نکال کر 36 انچ کا پہیہ لگا کر سائیکل کو اپ گریڈ کیا۔
ان کا کہنا تھا کہ جب آپ فاصلہ طے کرنے کی کوشش کر رہے ہوتے ہیں تو بہتر ہوتا ہے کہ پہیہ بڑا ہو، کرتب دِکھاتے ہوئے طویل فاصلہ طے کرنے کی آفیشل کوشش سے قبل تقریباً ساڑھے پانچ سال تک کڑی محنت کی۔
ڈیوڈ رش نے ٹریک کے 123 چکر لگائے جو 49.47 کلومیٹر کا فاصلہ بنتا ہے، اسی دوران کرتب دِکھاتے ہوئے ان سے ایک غلطی ہوئی اور ان کی کوشش وہیں اختتام پذیر ہوئی۔
ان کا طے کیا گیا فاصلہ گزشتہ ریکارڈ یعنی 19.31 کلومیٹر کے دُگنے سے زیادہ ہے، انہوں نے 28.96 کلومیٹر کے غیر مصدقہ ریکارڈ کو بھی زیر کیا۔