کراچی: (ویب ڈیسک) وزیراطلاعات سندھ شرجیل میمن نے کہا ہے کہ سندھ کے سیلاب متاثرین کیلئے پنجاب سے خریدا گیا آٹا، پنجاب حکومت نے بارڈر پر ضبط کرلیا۔
اپنے بیان میں شرجیل میمن کا کہنا تھاکہ پنجاب حکومت کا ریلیف کا سامان ضبط کرنے کا کوئی جواز نہیں، تباہ کن صورت حال کے وقت پی ٹی آئی حکومت ریلیف آئٹمز ضبط کر رہی ہے۔
ان کا کہنا تھاکہ پی ڈی ایم اے نے سندھ کے سیلاب متاثرین کیلئے پنجاب سے آٹا خریدا تھا، پنجاب حکومت نے پنجاب کی سرحد پر آٹےکے ٹرک روک لیے اور ایف آئی آر کٹوا دی۔
شرجیل میمن کا کہنا تھاکہ پی ٹی آئی باربار حد پار کر رہی ہے، پہلے جعلی مہم چلائی اب ریلیف آئٹمز روک رہی ہے۔
