پاکستان کو ایف 16 کے پرزوں کی فروخت بارے کانگریس کو آگاہ کر دیا: امریکا

نیویارک : (ویب ڈیسک) ترجمان امریکی محکمہ خارجہ نیڈ پرائس کا کہنا ہے کہ پاکستان کوایف16طیاروں کے پروزوں کی فروخت سے متعلق کانگریس کو آگاہ کر دیا گیا ہے۔
میڈیا سے گفتگو کرتے ہوئے نیڈ پرائس نے کہا کہ طیاروں کی مرمت سے دہشت گردوں کیخلاف کارروائیوں میں مدد ملے گی، پاکستان کئی شعبوں میں امریکا کا اہم اتحادی ہے۔
پاکستان میں سیلاب سے نقصانات پر افسوس کا اظہار کرتے ہوئے کہا کہ موجودہ مشکل وقت میں امریکا پاکستان کیساتھ کھڑا ہے۔
نیڈ پرائس نے مزید کہا کہ ہم پاکستان میں میڈیا اور سول سوسائٹی پر پابندیوں پر تشویش کا اظہار کرتے ہیں۔