لاہور: (ویب ڈیسک) بھارتی ٹیم ایشیا کپ میں پاکستان سے شکست پر بہانے گھڑنے لگی۔ پاکستان کرکٹ ٹیم پر میچ میں خلل پیدا کرنے کا الزام لگا دیا۔
ایشیا کپ میں پاکستان سے ہارنے کا دکھ بھارتی ٹیم کو بھلائے نہیں بھول رہا۔ بھارتی ٹیم گرین شرٹس کی شکایت لیے میچ ریفری کے پاس پہنچ گئی۔
بھارتی ٹیم نے اپنی شکست اور خراب کارکردگی کا ملبہ پاکستانی ٹیم پر ڈال دیا۔بھارتی ٹیم نے الزام عائد کیا ہے کہ پاکستان کرکٹ ٹیم نے میچ میں خلل پیدا کیا۔
بھارتی اسکواڈ نےمیچ ریفری سے شکوہ کرتے ہوئے کہا ہے کہ بیٹنگ کے دوران پاکستان ٹیم نے جان بوجھ کر تاخیر کی۔پاکستان کی جانب سے تاخیر کے باعث ہم میچ ہارے۔
بھارتی سورماوں نے احتجاج ریکارڈ کرواتے ہوئے کہاہے کہ پاکستان ٹیم کے بیٹرز نے جان بوجھ کر گلوز منگوائے اور بیٹ تبدیل کئے۔ ہمارے بالرز کو انتظار کروایا۔میچ رکنے سے ہمارا فوکس اور مومینٹم بدلنے کی کوشش کی گئی۔
میچ ریفری نے بھارتی ٹیم کی شکایت کو بے بنیاد قرار دے کر تسلیم کرنے سے انکار کردیا۔ میچ ریفری نےجواب دیا کہ پاکستان ٹیم نے کوئی تاخیر نہیں کی، بریک کے دوران گلوز اور بیٹ تبدیل کئے گئے۔
