نسیم شاہ نے جو کیا وہ ناقابل یقین تھا، بابراعظم

شارجہ: (ویب ڈیسک) قومی کرکٹ ٹیم کے کپتان بابراعظم نے کہا ہے کہ نسیم شاہ نے جو کیا وہ ناقابل یقین تھا۔
افغانستان کے خلاف جیت کے بعد گفتگو کرتے ہوئے انہوں نے کہا کہ مجھے یقین تھا نسیم شاہ اچھی بیٹنگ کرسکتے ہیں۔ انہوں نے میچ کا شانداراختتام کیا۔
بابراعظم نے کہا کہ بالرز نے افغانستان کو کافی کم اسکور تک محدود کیا،جیسی پارٹنرشپ کاسوچا تھا نہیں لگ سکی،کرکٹ میں کچھ بھی ہوسکتا ہے۔
انہوں نے کہا کہ جو غلطیاں کیں کوشش ہوگی اگلی میچ میں نہ دہرائیں،افغانستان کے بالراچھے ہیں،ٹف ٹائم دیتے ہیں۔
خیال رہے کہ ایشیا کپ 2022 میں سپر فور مرحلے میں پاکستان نے سنسنی خیز مقابلے کے بعد افغانستان کو شکست دے کر ناصرف فائنل کیلئے کوالیفائی کرلیا بلکہ افغانستان اور بھارت دونوں کو فائنل کی دوڑ سے باہر کردیا۔