افغانستان کے خلاف میچ زندگی بھر یاد رکھوں گا، نسیم شاہ

شارجہ: (ویب ڈیسک) قومی کرکٹ ٹیم کے فاسٹ بولر نسیم شاہ نے کہا ہے کہ افغانستان کے خلاف میچ زندگی بھر یاد رکھوں گا۔
افغانستان کے خلاف لگاتار دو چھکے لگا کر قومی ٹیم کو ایشیا کپ کے فائنل میں پہنچانے والے نوجوان بولر نسیم شاہ نے کہا کہ ہم نیٹ میں بڑے شاٹس کی پریکٹس کرتے ہیں۔
انہوں نے کہا کہ جب آصف آوٹ ہوئے تو میں نے ذمہ داری لی،خود پر یقین تھا،بلا بدلنے کے بعد چھکے لگے۔
خیال رہے کہ پاکستان نے ایشیا کپ کے سوپر فور مرحلے میں افغانستان کو ایک وکٹ سے شکست دے کر فائنل کے لیے کوالیفائی کر لیا ہے۔
پاکستان کی جیت سے بھارت اور افغانستان ٹورنامنٹ سے باہر ہو گئے ہیں۔