عطا تارڑ کا تحریک انصاف کا جلسہ رکوانے کیلئے لاہور ہائیکورٹ سے رجوع

لاہور : (ویب ڈیسک) معاون خصوصی عطا تارڑ کا پی ٹی آئی کا جلسہ رکوانے کے لیے لاہور ہائیکورٹ سے رجوع کر لیا۔
معاون خصوصی عطا تارڑ نے وکیل کے ذریعے لا ہور ہائیکورٹ میں پٹیشن دائر کر دی، درخواست میں چیف سیکریٹری ، ڈپٹی کمشنر اور پی ٹی آئی کو فریق بنایا گیا ہے۔
عطاتارڑ نے درخواست میں موقف دیا ہے کہ کھیلوں کے گراؤنڈز کو سیاسی مقاصد کے لیے استعمال نہیں کیا جا سکتا، آسٹرو ٹرف کو سمیٹنے اور بچھانے کے لیے کروڑوں روپے خرچ ہوں گے، عدالت فوری طور پر ہاکی گراؤنڈ میں جلسہ روکنے کا حکم جاری کرے۔