ریکارڈ تھرو کرنے پر بھارتی حریف نیرج چوپڑا کی ارشد ندیم کو مبارکباد

لاہور: (ویب ڈیسک) شاباش ارشد ندیم، کامیابی ہو تو ایسی ہی کہ اپنے کیا بیگانے بھی تعریف کیے بغیر نہ رہ سکیں، کامن ویلتھ گیمز میں ریکارڈ تھرو کرنے اور گولڈ میڈل جیتنے پر روایتی حریف نیرج چوپڑا نے بھی مبارکباد ی پیغام دے دیا۔
برمنگھم میں پاکستانی جھنڈا بلند کرتے ہوئے کامن ویلتھ گیمز میں گولڈ میڈل جیتنے پر ارشد ندیم کو بھارتی نیزہ تھرور نیرج چوپڑا نے بھی مبارک دی ہے۔
سوشل میڈیا پیغام میں روایتی حریف نے لکھا کہ ارشد بھائی! گولڈ میڈل جیتنے اور 90 میٹر تھرو کا ریکارڈ بنانے کی مبارک ہو۔
صرف اتنا ہی نہیں بلکہ نیرج چوپڑا نے آئندہ مقابلوں کے لیے بھی نیک تمناؤں کا بھی اظہار کیا۔
یاد رہے کہ نیرج چوپڑا نے اولمپکس میں ارشد ندیم کو ہرایا تھا۔