سوشل میڈیا پراداروں پر تنقید، ایف آئی اے نے گلوکار سلمان احمد کو نوٹس بھیج دیا

لاہور: (ویب ڈیسک) وفاقی تحقیقاتی ایجنسی (ایف آئی اے) کے سائبرکرائم سیل نے گلوکار سلمان احمد کو نوٹس جاری کر دیا۔
ذرائع کے مطابق سلمان احمد کو ان کے پی ٹی آئی کیلئے گائے گئے ترانے پر نوٹس دیا گیا جبکہ انہوں نے سوشل میڈیا پربھی اداروں کے خلاف پوسٹیں لگائیں۔
گلوکارسلمان احمد نے ایف آئی اے سائبر کرائم کی جانب سے نوٹس بھیجنےکی تصدیق کی ہے اور ویڈیو بیان میں کہا ہے کہ نوٹس لاہور ڈی ایچ اے کی رہائش گاہ پر بھیجا گیا ہے۔
انہوں نے کہا کہ میری زبان بندی کروانے کی کوشش کی جارہی ہے اور میرے اہل خانہ کو جان سے مارنےکی دھمکیاں دی جارہی ہیں۔
سلمان احمد کا کہنا تھاکہ رانا ثنااللہ کے کہنے پر یہ سب کچھ کیا جارہا ہے، جوبھی ہو میں حق کا ساتھ دینے سے نہیں گھبراؤں گا۔