اسلام آباد: (ویب ڈیسک) ایئرپورٹس سیکورٹی فورس (اے ایس ایف) کے عملے نے اسلام آباد ایئرپورٹ پر کاروائی کرتے ہوئے ایک مسافر کے سامان سے 2 کلو گرام ہیروئن برآمد کرلی ہے۔
اے ایس ایف کے ترجمان کے مطابق اے ایس ایف عملے نے دبئی جانے کے لئے اسلام آباد ایئرپورٹ پر پہنچے ایک مسافر خلیل الرحمٰن کے سامان کی تلاشی کے دوران 1.952 کلو گرام آئس ہیروئن برآمد کرلی ہے۔
ترجمان کے مطابق ملزم کی جانب سے ہیروئن بیگ کی تہہ میں بڑی مہارت سے چھپا کر رکھی گئی تھی تاہم اے ایس ایف عملے نے سامان کی تلاشی کے دوران منشیات برآمد کر کے سمگلنگ کی کوششں ناکام بنا دی ہے۔
اے ایس ایف ترجمان کے مطابق ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لئے اے این ایف حکام کے حوالے کر دیا گیا ہے
