ترکی ہمارے شہریوں کے لیے ہائی رسک ملک ہے: اسرائیل

مقبوضہ بیت المقدس: (ویب ڈیسک) اسرائیلی حکومت نے اپنے شہریوں کو ہدایت کی ہے کہ وہ ترکی کے سفر سے پرہیز کریں۔
اس تنبیہ کے پس منظر میں اسرائیل کی نیشنل سکیورٹی کونسل نے ایران کی پاسدارانِ انقلاب نامی فورس کے کرنل حسن سید خدائی کی موت کا حوالہ دیا جنہیں گزشتہ ہفتے ایران میں قتل کر دیا گیا تھا۔ ایران نے اس قتل کا ذمے دار اسرائیل کو ٹھہرایا تھا اور کہا تھا کہ اس قتل کا بدلہ لیا جائے گا۔
ترکی کو اسرائیلی شہریوں کے لیے ’ہائی رسک‘ ملک قرار دیتے ہوئے یہ بھی کہا گیا کہ تہران حکومت مبینہ طور پر ترکی میں موجود اسرائیلی شہریوں کو نقصان پہنچانے کی کوشش کر سکتی ہے۔
یاد رہے کہ ترکی اسرائیلی سیاحوں کی ایک پسندیدہ تعطیلاتی منزل خیال کی جاتی ہے۔