پی ٹی آئی کا لانگ مارچ: حکومت کا ریاستی رٹ پر سمجھوتہ نہ کرنے کا فیصلہ

اسلام آباد: (ویب ڈیسک) حکومت نے پی ٹٰی آئی کے لانگ مارچ کے حوالے سے ریاست کی رٹ پر سمجھوتا نہ کرنے کا فیصلہ کیا ہے ، وزیراعظم شہباز شریف نے کہا ہے کہ امن و امان میں خلل ڈالنے والوں کے خلاف کارروائی ہوگی۔
تفصیلات کے مطابق وزیراعظم کی زیر صدارت سیاسی کمیٹی کا اہم اجلاس ہوا، جس میں فیصلہ کیا گیا عوام الناس کی حفاظت اور تحفظ یقینی بنایا جائیگا، مفاد عامہ کےلئے تمام راستے کھلے رکھیں گے، ریاست کی رٹ پر کوئی سمجھوتا نہیں کیا جائے گا۔
اجلاس سے خطاب کرتے ہوئے وزیراعظم شہباز شریف نے کہا ہے کہ ایسے دھرنوں سے معیشت خراب اور دیہاڑی دار مزدور متاثر ہوگا، امن و امان میں خلل ڈالنے والوں کے خلاف کارروائی ہوگی۔