اداکارہ عائشہ خان کے ہاں بیٹے کی پیدائش

کراچی: (ویب ڈیسک) پاکستان شوبز انڈسٹری کی سابقہ اداکارہ عائشہ عقبیٰ خان کے ہاں آج بیٹے کی پیدائش ہوئی ہے۔
پاکستان شوبز کی خوبرو اداکارہ عائشہ عقبیٰ خان نے مداحوں کو خوشخبری سُنا دی، 2018 میں میجر عقبیٰ کے ساتھ رشتہ ازدواج میں منسلک ہونے والی اداکارہ کے ہاں آج بیٹے کی پیدائش ہوئی ہے۔
عائشہ خان نے اپنے مداحوں کو یہ خوشخبری فوٹو اینڈ ویڈیو شیئرنگ ایپ انسٹاگرام پر ایک پوسٹ کے ذریعے سنائی ، عائشہ عقبیٰ خان نے ایک تصویر پوسٹ کی جس پر ہلکے نیلے رنگ کے جوتے بنے ہوئے ہیں اور ساتھ ہی پیغام بھی لکھا ہےکہ’ہم اپنے بیٹے کی آمد کا اعلان کرتے ہوئے خوشی محسوس کر رہے ہیں‘۔
یاد رہے کہ اداکارہ کے ہاں سال 2019ء میں ایک بیٹی کی پیدائش ہوئی تھی جس کا نام ماہ نور ہے۔