اوپن مارکیٹ میں ڈالر کی ڈبل سنچری: 200 روپے 50 پیسے پر فروخت

کراچی: (ویب ڈیسک) پاکستانی روپے کے مقابلے ڈالر پھر تگڑا ہو گیا، امریکی کرنسی کے ریٹ میں 2 روپے ایک پیسے کا بڑا اضافہ ہوا ہے۔
سیاسی عدم استحکام سے روپے کو رگڑا لگ گیا، انٹر بینک میں ڈالر پھر تاریخ کی بلند ترین سطح پر پہنچ گیا، قیمت میں 2 روپے ایک پیسے کے اضافے سے ڈالر 197 روپے 75 پیسے پر ٹریڈ ہونے لگا۔ اوپن مارکیٹ میں ڈالر200 روپے 50 پیسے پر فروخت ہو رہا ہے۔
گذشتہ روز پہلے ہاف میں ڈالر ایک روپیہ 82 پیسے مہنگا ہوا تھا جس کے بعد انٹر بینک مارکیٹ میں پہلی بار ڈالر کا ریٹ 196 روپے 80 پیسے پر جا پہنچا تھا۔