عمران خان بتائیں امریکا کے خلاف کون سے بڑا کارنامہ کیا تھا: شرجیل میمن

کراچی: (ویب ڈیسک) وزیراطلاعات سندھ شرجیل میمن نے سابق وزیراعظم کے ٹوئٹ پر ردعمل میں کہا ہے کہ عمران خان بتائیں امریکا کے خلاف کون سے بڑا کارنامہ کیا تھا؟ ایساکیاکارنامہ کیاجوان کےخلاف بیرونی سازش ہوئی ہے۔
شرجیل میمن نے کہا کہ سازش کا راگ الاپنے والے سے اپنے ایم این ایز اور اتحادی تنگ تھے عمران نیازی ملک میں اقتصادی تباہی کا ذمہ دار ہے اس شخص نےملک کی خارجہ پالیسی کوشدیدنقصان پہنچایا ہے۔
انہوں نے کہا کہ سی پیک کو روکنے میں بھی عمران خان اور ان کے مشیروں کا ہاتھ رہا عمران نیازی نے پاکستان کے ریاستی اداروں کو نشانے پر رکھا ہوا ہے۔
اس سے قبل سابق وزیراعظم اور پی ٹی آئی چیئرمین عمران خان نے سماجی رابطوں کی ویب سائٹ ٹوئٹر پر امریکی دفاعی تجزیہ کار ریبیکا گرانٹ کی غیر ملکی ٹی وی چینل کو انٹرویو کی ویڈیو شیئر کی ہے اور ساتھ ہی لکھا ہے کہ امریکا فرمانبردار اور کٹھ پتلی وزیراعظم چاہتا ہے۔ حکومت تبدیلی کی سازش پرشبہ ہے تو اس ویڈیو سے شکوک دور ہونےچاہئیں۔
عمران خان نے اپنے ٹوئٹ میں مزید لکھا ہے کہ ایک جمہوری طور پر منتخب وزیراعظم اور اسکی حکومت کو کیوں ہٹایا گیا ہے، واضح رہے کہ امریکا فرمانبردار اور کٹھ پتلی وزیراعظم کے طور پر چاہتا ہے۔