لاہور: (ویب ڈیسک) دو روز قبل سعید آباد کراچی سے لاپتہ ہونے والی 15 سالہ آمنہ نامی لڑکی کو پولیس نے پنجاب کے ضلع خانیوال سے برآمد کر لیا۔
دو روز قبل سعید آباد کراچی سے لاپتہ ہونے والی 15 سالہ آمنہ نامی لڑکی کی گمشدگی کا معاملہ، ضلع کیماڑی تھانہ سعید آباد پولیس نے لڑکی کو خانیوال پنجاب سے برآمد کر لیا۔ پولیس کے مطابق 28 اپریل کو سعید آباد کی رہائشی 15 سالہ آمنہ ولد جاوید نامی لڑکی کی گمشدگی کا معاملہ رپورٹ ہوا تھا ، بچی کی بازیابی کے لیے پولیس نے تحقیقاتی ٹیم تشکیل دی تھی۔
ایس ایس پی کیماڑی فدا حسین جانوری کا کہنا ہے کہ بچی اپنی مرضی سے ٹرین کے زریعے چنیوٹ پہنچی تھی ، آمنہ کی چنیوٹ میں سرفراز نامی لڑکے سے دوستی تھی، آمنہ نامی لڑکی کو پولیس نے تحویل میں لیکر کراچی منتقل کر دیا۔
