کوئٹہ میں گرانی کی نئی لہر، دودھ، دہی، چاول ، دالوں اور مصالحہ جات سمیت اشیا 50 فی صد تک مہنگی

کوئٹہ: (ویب ڈیسک) کوئٹہ میں 15 دنوں کے دوران مہنگائی کی نئی لہر دودھ دہی، خشک ملک پاوڈر، چاول ، دال، مصالحہ جات، عام استعمال کےلوشن اورکریموں کی قمیت میں 50 فی صد تک اضافہ ہو گیا، لوگوں کی رہی سہی قوت خرید بھی جواب دینےلگی۔
کوئٹہ میں گذشتہ15 روز کے دوران مختلف اقسام کےخودرنی تیل، گھی فی لیٹر و کلو کی قمیت میں15 سے30 روپے، چنےاوردالیں فی کلو 40 سے 50 روپے، چاول فی کلو40 روپے تک، خشک دودھ 200 روپے فی کلو مہنگا ہو چکا۔ منہگائی کا طوفان عوام کے لئےعذاب بن گیا ہے۔
بات یہیں نہیں رکتی، چائےکی پتی مختلف کوالٹی کی 150روپے تک فی کلو بڑھ گئی ہے۔ کھانوں میں استعمال ہونے والے مصالحہ جات کی قیمتوں میں 40 فیصد سے زیادہ اضافہ ہوا ہے، عام استعمال کے لوشن، کریموں، ٹوتھ پیسٹ برش وغیرہ کے نرخ 50 فی صد تک بڑھے ہیں۔ دکانداروں کا کہنا ہے کاروبار کرنا بہت مشکل ہو رہا ہے۔
رہی سہی کسر دودھ فروشوں نے پوری کردی ہے، فی لیٹر دودھ 120 سے بڑھا کر 125 اور دھی 10روپے کے اضافے کے بعد 150 روپے فی کلو کر دیا ہے۔