‘کابینہ اجلاس منسوخ: وزیراعظم، آرمی چیف آج کا دن جوانوں کیساتھ گزاریں گے’

اسلام آباد: (ویب ڈیسک) فواد چودھری نے کہا ہے کہ آج کابینہ کا اجلاس منسوخ کر دیا گیا ہے، وزیراعظم اور آرمی چیف آج کا دن بلوچستان میں جوانوں کے ساتھ گزاریں گے۔
وفاقی وزیر اطلاعات و نشریات فواد چودھری نے سماجی رابطے کی ویب سائٹ پر ٹویٹ کرتے ہوئے کہا کہ وزیراعظم اور آرمی چیف آج کا دن بلوچستان میں سیکیورٹی فورسز کے جوانوں کے ساتھ گزاریں گے، جوان جن کے عزم پہاڑوں سے بلند اور جذبوں میں سمندروں سے زیادہ وسعت ہے ہمارا فخر بھی ہیں اور ہمارا مان بھی، پاکستان کے یہ بیٹے مادر وطن کیلئے سربکف ہیں۔