کراچی: (ویب ڈیسک) پاکستان سپر لیگ (پی ایس ایل) میں ملتان سلطانز کی قیادت کرنے والے محمد رضوان کی نماز کی امامت کرانے کی ویڈیو سوشل میڈیا پر وائرل ہورہی ہے۔
یاد رہے کہ اس سے قبل محمد رضوان کی گراؤنڈ میں نماز پڑھنے کی تصاویر بھی وائرل ہوئی تھی جبکہ ان کی اسلام کی تبلیغ کرنے کی بھی ویڈیو وائرل ہوچکی ہے۔
دوسری طرف محمد رضوان کی گذشتہ روز گراؤنڈ میں نماز پڑھانے کی ویڈیو سوشل میڈیا پر وائرل ہورہی ہے جس میں انہیں ٹیم کی کپتانی کے ساتھ ساتھ امامت کرتے ہوئے بھی دیکھا جاسکتا ہے۔
ویڈٰیو میں دیکھا جاسکتا ہے کہ محمد رضوان کی امامت میں قومی ٹیم کے سابق ہیڈ کوچ مشتاق احمد اور ملتان سلطانز کے باؤلر انورعلی بھی نماز کی ادائیگی کررہے ہیں۔
علاوہ ازیں دیگر کوچنگ اسٹاف سمیت ملتان سلطانز کے کھلاڑی بھی رضوان کی امامت میں نماز پڑھ رہے ہیں۔
واضح رہے کہ محمد رضوان کی قیادت میں ملتان سلطانز پی ایس ایل سیزن 7 میں اب تک 4 میچز میں ناقابل شکست رہنے کا اعزاز رکھتی ہے جبکہ پوائنٹس ٹیبل پر بھی ملتان سلطانز سرفہرست ہے۔
