آئی ایم ایف سے ایک ارب ڈالر کی امداد ملنے کے بعد روپے کی قدر بحال ہونے لگی

کراچی: (ویب ڈیسک) سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعدا دو شمار کے مطابق رواں ہفتے کے چوتھے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 89 پیسے کی گراوٹ دیکھی گئی۔
اعداد و شمار کے مطابق روپے کے مقابلے میں امریکی ڈالر کی قیمت 176 روپے 41 پیسے سے کم ہو کر 175 روپے 52 پیسے ہو گئی ہے۔
معاشی ماہرین کا کہنا ہے کہ عالمی مالیاتی ادارے (آئی ایم ایف) نے پاکستان کے لیے ایک ارب ڈالر سے زائد کی قسط کی منظوری دی تھی جس کے بعد قوی امکان ہے مزید اداروں کی جانب سے اربوں ڈالرز کی امداد کے راستے کھل جائیں گے جس سے ملکی کرنسی کے بحال ہونے کا سلسلہ شروع ہو جائے گا۔