اسلام آباد: (ویب ڈیسک) ایم این اے جویریہ ظفر کو جان سے مارنے کی دھمکیاں دینے کے معاملے پر تھانہ ویمن اسلام آباد میں مقدمہ درج کر لیا گیا۔
پی ٹی آئی کی ایم این اے نے تھانہ وومن میں درخواست دی کہ پارلیمنٹ لاجز میں ان کے خاوند حیدر علی نے فائرنگ کی ہے، جہاں سے جان بچا کر بھاگی اور فائر دیوار پر لگا، جس کے بعد ان کو اور ان کے گھر والوں کو جان سے مارنے کی دھمکیاں دی جا رہی ہیں۔ جویریہ ظفر نے اپنے خاوند حیدر علی بلوچ کے خلاف اقدام قتل کا مقدمہ درج کروا دیا۔ حیدر علی بلوچ کا تعلق بھی پی ٹی آئی سے اور قومی اسمبلی کے رکن ہیں۔
