پنجاب حکومت ایک لاکھ 30 ہزار بھرتیاں کرے گی، نوٹیفکیشن جاری ہوچکا: عثمان بزدار

لاہور: (ویب ڈیسک) وزیراعلیٰ عثمان بزدار نے کہا ہے کہ پنجاب حکومت ایک لاکھ 30 ہزار بھرتیاں کرے گی، امیدواروں کو عمر میں دو برس کی رعایت دی جائے گی، نوٹیفکیشن جاری ہوچکا۔
وزیراعلیٰ پنجاب عثمان بزدار نے ڈیرہ غاز ی خان میں عمائدین اور معززین سے خطاب کرتے ہوئے کہا کہ پہلے مرحلے میں ملازمتوں کی بھرتی کا اشتہار دیا جا چکا، ملازمتوں کے لئے امیدواروں کو بالائی عمر میں 2 برس کی رعایت دی جائے گی، عمر میں 2 برس کی رعایت کا نوٹیفکیشن جاری ہو چکا، پاکستان ماضی کی حکومتوں کی غلط پالیسیوں کے باعث اپنی اصل منزل سے دور ہوا، وزیراعظم عمران خان کی قیادت میں اب پاکستان درست ٹریک پر آچکا ہے، ساڑھے تین برس کے دوران صرف اور صرف عوام کی خدمت کی ہے، حکومت کے دامن پر کرپشن سکینڈ ل کا کوئی داغ نہیں۔
مشیر حنیف پتافی کا کہنا تھا کہ عاجزی اور انکساری کے ساتھ عوام کی خدمت کر رہے ہیں، پنجاب کے عوام خوش نصیب ہیں انہیں عثمان بزدار جیسا عوامی خدمت سے سرشار وزیر اعلی ملا ہے، وزیراعلی عثمان بزدار نے جنوبی پنجاب کو اس کا حق واپس کیا ہے۔ ترجمان پنجاب حکومت حسان خاور نے کہا کہ وزیراعلی عثمان بزدار کا دور پسماندہ علاقوں کی ترقی کا دور ہے۔