بولان: سی ٹی ڈی کا آپریشن، کالعدم تنظیم کا دہشتگرد گرفتار

بولان: (ویب ڈیسک) انسداد دہشتگردی کے ادارے (سی ٹی ڈی ) نے بلوچستان کے ضلع بولان میں آپریشن کرتے ہوئے کالعدم تنظیم کے دہشتگرد کو گرفتار کر لیا ہے۔
کاؤنٹر ٹیرارزم ڈیپارٹمنٹ نے بلوچستان کے علاقے بولان میں کارروائی کرتے ہوئے تخریب کاری کا منصوبہ ناکام بنا دیا۔
ترجمان کے مطابق سی ٹی ڈی نے انٹیلی جنس بیسڈ آپریشن کے دوران کالعدم تنظیم بلوچ لبریشن آرمی کے دہشتگرد محمد غوث عرف غوثیہ کو گرفتار کر لیا، جسکے قبضے سے دھماکہ خیز مواد، پرایما کارڈ، نٹ بولٹ اور دیگر سامان برآمد ہوا ہے ہے۔
سی ٹی ڈی کے مطابق گرفتار دہشت گرد ہرنائی سے بولان کے علاقے مچھ آرہا تھا اور مچھ میں تخریب کاری کا ارادہ رکھتا تھا۔
گرفتار دہشت گرد کے خلاف مقدمہ درج کر کے نیٹ ورک کے دیگر کارندوں کی گرفتاری کے لئے تحقیقات کا آغاز کر دیا گیا ہے۔