سونے کی قیمت میں تیزی سے کمی آنے لگی

کراچی: (ویب ڈیسک) ملک بھر میں فی تولہ سونے کی قیمت میں تیزی سے کمی آنے لگی۔
تفصیلات کے مطابق بین الاقوامی مارکیٹ میں فی اونس سونے کی قیمت میں 18 ڈالر کی کمی ریکارڈ کی گئی۔
عالمی مارکیٹ میں قیمتیں کم ہونے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، راولپنڈی سمیت دیگر جگہوں پر فی تولہ سونے کی قیمت میں 300 روپے کی کمی ریکارڈ کی گئی اور نئی قیمت 124950روپے ہو گئی ہے۔
دوسری طرف سونے کی فی دس گرام قیمت میں 258 روپے کی کمی ریکارڈ کی گئی اور نئی قیمت 107124 روپے ہو گئی ہے۔
دوسری طرف چاندی کی فی تولہ قیمت میں استحکام ریکارڈ کیا گیا اور قیمت 1450 روپے برقرار رہی۔