پاکستان کرکٹ بورڈ (پی سی بی) نے 2021 کے ایوارڈز کے لیے مختلف کیٹیگریز میں نامزدگیوں کا اعلان کر دیا ہے۔
پی سی بی کی جانب سے اعلان کردہ کیٹیگریز میں میچ وننگ پرفارمنس آف دی ایئر، ایمرجنگ کرکٹر آف دی ایئر، ون ڈے کرکٹر آف دی ایئر، ویمنز کرکٹر آف دی ایئر اور ٹیسٹ کرکٹر آف دی ایئر شامل ہیں۔
میچ وننگ پرفارمنس آف دی ایئر کیٹگری کے لیے بیٹر فواد عالم، وکٹ کیپر بیٹر محمد رضوان، فاسٹ بولر شاہین شاہ آفریدی اور حسن علی کو نامزد کیا گیا ہے۔
حسن علی کو جنوبی افریقا کے خلاف 10وکٹیں حاصل کرنے پر نامزد کیا گیا اور فواد عالم کو جنوبی افریقا کے خلاف سنچری اسکور کرنے کی وجہ سے اس کیٹیگری کا حصہ بنایا گیا ہے۔
محمد رضوان ٹی ٹوئنٹی ورلڈ کپ میں بھارت کے خلاف 79 رنز کی بدولت امیدواروں میں شامل ہوئے جبکہ شاہین آفریدی کو بھارت کے خلاف تین وکٹیں لینے پر ایوارڈ کے لیے نامزد کیا گیا ہے۔
<
With PCB Awards 2021 just around the corner, it’s time to unveil the categories and the nominations. Here are the nominees for the "impactful performance of the year”. Who do you think will win?#PCBawards2021 pic.twitter.com/m90GzitF42
— Pakistan Cricket (@TheRealPCB) January 4, 2022
دوسری جانب پی سی بی نے ایمرجنگ کرکٹر آف دی ایئر کیٹیگری کے لیے بھی چار امیدوار نامزد کیے ہیں جن میں ارشد اقبال، اعظم خان ، محمد وسیم جونیئر اور شاہنواز دہانی کو نامزد کیا گیا ہے۔
ویمنز کرکٹر آف دی ایئر کے لیے بھی 4 کھلاڑی نامزد ہوئی ہیں جن میں عالیہ ریاض، انعم امین، فاطمہ ثنا اور ندا ڈار شامل ہیں۔
<
2021 made us witness some amazing ODI performances. Let’s see who among the nominees bags the "ODI Cricketer of the Year” award at #PCBAwards2021. Any guesses? pic.twitter.com/M9i83DGaYB
— Pakistan Cricket (@TheRealPCB) January 4, 2022
پی سی بی ایوارڈز کے لیے ون ڈے کرکٹر آف دی ایئر کی کیٹیگری میں بابر اعظم، فخر زمان، حارث رؤف اور شاہین شاہ آفریدی کو نامزد کیا گیا ہے۔
