وزیراعظم سے چیئرمین پی سی بی نے ملاقات, پی ایس ایل کے آنے والے سیزن اور کرکٹ کے مجموعی ڈھانچے پر تبادلہ خیال کیا گیا

وزیراعظم سے چیئرمین پی سی بی نے ملاقات کی۔

وزیراعظم عمران خان سے چیئرمین پی سی بی رمیز راجہ نے ملاقات کی جس میں پی ایس ایل کے آنے والے سیزن اور کرکٹ کے مجموعی ڈھانچے پر تبادلہ خیال کیا گیا۔

وزیراعظم نے اسلام آباد میں کرکٹ اسٹیڈیم کی تعمیر کی اصولی منظوری دی اور پی سی بی چیئر مین کو ہدایت کی کہ اس کی تعمیر کو جلد از جلد مکمل کرنے کے لیے تمام وسائل روئے کار لائے جائیں۔

پی سی بی چیئر مین نے وزیر اعظم کو اسٹیڈیم کی تعمیر 2025 تک مکمل کرنے کی یقین دہانی کرائی۔