جنسی اسکینڈل: جیفری ایپسٹین کی دوست گزلین میکسویل بھی مجرم قرار

امریکی سرمایہ کار اور جنسی اسکینڈل میں بدنام جیفری ایپسٹین کی دوست گزلین میکسویل کو بھی مجرم قرار دے دیا گیا۔
غیر ملکی خبر رساں ایجنسی کے مطابق امریکی وفاقی عدالت میں میکسویل پرکمسن لڑکیوں کی جنسی مقاصد کے لیے اسمگلنگ کے 6 میں سے 5 الزامات ثابت ہوگئے جس کے بعد انہیں مجرم قرار دے دیا گیا۔
خبرایجنسی کا بتانا ہے کہ کم عمرلڑکیوں کی جنسی مقاصد کے لیے اسمگلنگ کی زیادہ سے زیادہ سزا 40 سال ہے چنانچہ 60 سالہ میکسویل اپنی بقیہ زندگی سلاخوں کے پیچھے گزارسکیں گی۔
گزلین میکسویل کو مجرم قرار دیے جانے کے حوالے سے امریکی اٹارنی کا کہنا تھا کہ انصاف کا راستہ بہت طویل تھا لیکن آج انصاف ہوگیا۔
خیال رہے کہ میکسویل کے دوست جیفری ایپسٹین امریکی سرمایہ کارتھے جنہیں جنسی جرائم میں 2019 میں سزاہوئی تھی تاہم سزا کاٹنے کے دوران جیفری ایپسٹین نیویارک جیل میں پراسرارطورپر مردہ پائے گئے تھے۔
دوسری جانب گزلین میکسویل شہزادہ اینڈریوکے بھی قریب رہی ہیں جو جیفری ایپسٹین کےدوست تھے، جیفری کی ہوس کا نشانہ بننے والی خاتون نےشہزادہ اینڈریو پربھی جنسی زیادتی کا الزام لگایاتھا جس کی شہزادہ اینڈریو نے تردید کی تھی۔