عرب ممالک نئی افغان حکومت کو تسلیم کرنے پر آمادہ ہونے لگے

لاہور(حسنین اخلاق) امریکی انتظامیہ ریاض سے چھوٹے چھوٹے احسانات چاہتی ہے لیکن یہ احسان اکثر سعودی آبادی میں غیر مقبول ہوتے ہیں، واشنگٹن جان لے کہ ہم امریکہ اور روس میں فریقوں کا انتخاب نہیں کر رہا ، اسے ایسی چیزیں درکار ہیں جو امریکہ فراہم نہیں کر سکتایا نہیں کرے گا،سعودی ذرائع۔عرب ممالک دوبارہ افغان حکومت کو تسلیم کرنے کے لیے مائل نظر نہیں آتے، کیونکہ وہ توقع کرتے ہیں کہ طالبان القاعدہ کو دوبارہ سر اٹھانے میں مدد کریں گے اور ویسے بھی نئی افغان حکومت قطر کے قریب ہے، خلیجی سیاسی امور کے ماہرین کی رائے۔”تجھ کو پرائی کیا پڑی اپنی نبیڑ تو“کے مصداق عالمی سیاست کی تیزی سے بدلتی صورتحال اور اندرونی مسائل نے عرب ممالک کی دیگر مسلم ممالک میں دلچسپی کواس حد تک کم دیا ہے کہ کبھی خود کومسلم امہ کا لیڈر کہلانے کے شوقین بھی اب بہت احتیاط سے اپنے اگلے قدم کا انتخاب کررہے ہیں۔اسی لئے کچھ ماہ قبل جب سعودی نائب وزیر دفاع شہزادہ خالد بن سلمان نے روسی ہم منصب سے ملاقات کی تو سعودی عرب اور روس دونوں کی طرف سے امریکہ کے لیے ایک اشارہ ہے۔ ریاض چاہتا ہے کہ واشنگٹن جان لے کہ وہ امریکہ اور روس کے کشیدہ تعلقات میں فریقوں کا انتخاب نہیں کر رہا ہے کیونکہ اسے ایسی چیزیں درکار ہیں جو امریکہ فراہم نہیں کر سکتایا نہیں کرے گا۔