بھارت اور افغانستان کا میچ ‘فکسڈ’ ؟ٹوئٹر پر ٹاپ ٹرینڈ بن گیا

سوشل میڈیا صارفین نے بھارت اور افغانستان کے ٹی 20ورلڈ کپ کے میچ کو’ فکسڈ’ قرار دے دیا ہے۔
ٹی 20ورلڈ کپ میں افغانستان اور بھارت کے مابین گروپ 2 کا اہم میچ کھیلا جارہا ہے جس میں بھارت نے پہلے کھیلتے ہوئے 211رنز کا پہاڑ کھڑا کردیا جس کے تعاقب میں افغان ٹیم کی بیٹنگ مشکلات کا شکار دکھائی دے رہی ہے۔
بھارت کو اپنے گزشتہ دو میچز میں شکست کا سامنا کرنا پڑا تھا جبکہ سیمی فائنل میں پہنچنے کیلئے بھارت کو اپنے 3 میچز بڑے مارجن سے جیتنے بھی ہونگے جبکہ دوسری ٹیم کی ہار پر بھی نظر رکھنی ہوگی۔
افغانستان نے ٹاس جیت کر پہلے فیلڈنگ کا فیصلہ کیا اور بھارتی اوپنرز نے جب باؤلرز کی پٹائی شروع کی تو ٹوئٹر پر ٹرینڈ چل گیا کہ بھارت اور افغانستان کے درمیان میچ فکسڈ ہے۔
سوشل میڈیا صارفین کی جانب سے فکسڈ میچ کےحوالے سے ٹوئٹ کئے جارہے ہیں جن میں افغان فیلڈرز کی جانب سے مس فیلڈ کی ویڈیو شیئر کی جارہی ہے جبکہ ٹاس کے حوالے سے بھی ٹوئٹ کئے جارہے ہیں۔
یاد رہے کہ ٹی 20ورلڈ کپ میں پاکستان مسلسل 4 میچز جیت کر پہلے ہی سیمی فائنل میں پہنچ چکا ہے جبکہ نیوزی لینڈ کی ٹیم کو ابھی تک ایک میچ میں شکست کا سامنا کرنا پڑا ہے۔