معروف بھارتی اداکارہ و سیاستدان اُرمیلا ماٹونڈکر بھی عالمی وباء کورونا وائرس کا شکار ہوگئیں۔
اداکارہ نے اپنے ٹوئٹر پیغام میں بتایا کہ اُن کا کورونا وائرس ٹیسٹ مثبت آیا ہے۔
انہوں نے اپنے چاہنے والوں کو تسلی دیتے ہوئے کہا کہ میں ٹھیک ہوں اور خود کو گھر میں ہی قرنطینہ کر لیا ہے۔
اداکارہ اُرمیلا نے کہا کہ میرے ساتھ رابطے میں آنے والے تمام لوگوں سے گزارش ہے کہ فوری طور پر اپنا کورونا ٹیسٹ کروائیں۔
انہوں نے کہا کہ آپ تمام پیارے لوگوں سے بھی عاجزانہ درخواست ہے کہ دیوالی کے تہوار کے دوران اپنا خیال رکھیں۔
سوشل میڈیا صارفین کی جانب سے اُرمیلا کی جلد صحتیابی کے لئے دُعائیہ پیغامات جاری ہیں۔
