پشاور میں مسلم لائرز فورم کے زیر اہتمام ا حتجاجی ریلی سے خطاب کرتے ہوئےامیر مقام نے کہاکہ کالے کوٹ کا میدان میں نکلنا عمران خان اور اس کے حواریوں کے سیاسی موت کا پروانہ ثابت ہوگا، وکلاء نے ہمیشہ آئین کی پاسداری، قانون کی حکمرانی اور جمہوریت کے فروغ کے لئے اہم کردار ادا کیا ہے ، روزمرہ کی اشیائے ضرورت لوگوں کی دسترس سے باہر ہے اور اب عوام دو وقت کی روٹی کے لئے دربدر کی ٹوکریں کھا رہے ہیں، پٹرول ، آٹا، چینی، پٹرول اور ادویات لوگوں کی پہنچ سے دور ہے۔
انہوں نے کہا کہ روزانہ کی بنیاد پر اشیاءکی قیمتیں بڑھ رہی ہےاور مہنگائی نے لوگوں کا جینا حرام کردیا ہے، حکومت نے ہر جگہ کرپشن اور لوٹ مار کی دھوم مچا دی ہے، فارن فنڈنگ کیس عمران کی غلط کاریوں کا شاخسانہ ہے اور اسرائیل اور انڈیا سے ان کو فنڈز ملے،اس کا مقصد ملک کو معاشی اور سیاسی عدم استحکام کی سازش ہے، اب اس کی ملک دشمن اور عوام دشمن پالیسیوں سے معلوم ہوا کوہ ملک کو غیر یقینی کی کیفیت میں دھکیل دینا چاہتا ہے مگر ہم اس کا ہاتھ روک کر قوم کو اس نا اہل حکومت سے نجات دلائیں گے۔
امیر مقام نے کہا کہ مسلم لیگ ن کی قیادت پر غلط کیسیز درج کیے گئے مگروہ تمام مقدمات میں سرخرو ہوگئے ہیں، لندن کی عدالت نے بھی ان کو بری کردیا ہے، عمران خان اپنی غلط پالیسیوں کی بدولت ملک کو خانہ جنگی میں دھکیلنا چاہتا ہے،قوم جذبہ جہاد کے تحت اس ناکام اور نا اہل حکومت کے خلاف سڑکوں پر نکلے تاکہ عمران خان اور اس کی نالا ئق حکومت سے نجات حاصل ہو ۔
