کراچی میں 46 ویں قومی اسنوکرچیمپئن شپ محمد سجاد نے جیت کر چوتھی بار نیشنل چیمپئن بننےکا اعزاز حاصل کرلیا۔
کراچی میں ہونے والی نیشنل اسنوکر چیمپئن شپ کے فائنل میں سابق چیمپئن محمد سجاد اور 16 سال کےاحسن رمضان کے درمیان سنسنی خیز مقابلہ ہوا ۔
13 فریم پر مشتمل فائنل 6-6 فریم سے برابر ہوگیا اور 13 ویں فیصلہ کن فریم میں محمد سجاد نے تجربے کا فائدہ اٹھایا اور 12 پوائنٹس کے فرق سے نہ صرف فریم بلکہ ٹائٹل بھی جیت لیا اور چوتھی بار نیشنل چیمپئن بن گئے۔
چیمپئن شپ میں مجموعی طور پر 21 سینچری بریک کھیلے گئے لیکن محمد سجاد نے ریکارڈ 147 کا بریک کھیلا جس پر انہیں ایک لاکھ روپے کیش ایوارڈ اضافی دیا گیا ، ان کے ادارے نے بھی انہیں کیش انعام دیا ، دونوں فائنلسٹ کیوئسٹ ورلڈ چیمپئن شپ میں شرکت کریں گے۔
مہمان خصوصی عارف عثمانی نے فاتح کیوئسٹ محمد سجاد کو ٹرافی اور ایک لاکھ کیش ایوارڈ سے نوازا ، رنر اپ احسن رمضان 50 ہزار روپے کے حقدار بنے ۔
قومی اسنوکر چیمپئن شپ میں محمد سجاد کا منفرد کارنامہ
16 سالہ احسن رمضان ٹائٹل تو نہ جیت سکے لیکن شاندار کھیل کی بدولت شائقین کے دل ضرور جیت لیے ۔
ایونٹ کا دلچسپ فائنل بھی جیو سوپر سے براہ راست نشر کیا گیا ۔
