وزیراعظم عمران خان کو بحرین کے ولی عہد اور وزیراعظم شہزادہ سلمان بن حماد نے فون کیا اور ان کی خیریت دریافت کرنےکے ساتھ جلد صحت یابی کے لیے نیک خواہشات کا اظہارکیا۔
وزیراعظم آفس سے جاری بیان کے مطابق وزیراعظم عمران خان نے بحرین کے ولی عہد کا شکریہ ادا کیااور بحرین کے شاہ حمد بن عیسیٰ الخلیفہ کے لیے نیک خواہشات کا اظہار کیا۔
دونوں وزرائے اعظم نے کورونا وائرس کی موجودہ صورتحال پر تبادلہ خیال کیا اور دونوں ممالک کے عوام اور قیادت کے درمیان ہمیشہ سے موجود مضبوط روابط کے فروغ کا اعادہ کیا۔
وزیراعظم عمران خان نے بحرین کے ولی عہد کو پاکستان کے دورہ کی دعوت دی اور امید ظاہرکی کہ دونوں ممالک کے درمیان برادرانہ تعلقات آئندہ آنے والے سالوں میں مزید مستحکم ہوں گے۔
انہوں نے دونوں برادر ممالک کے درمیان اعلیٰ سطح کے وفود کےتبادلوں کا سلسلہ جاری رکھنے پر بھی اتفاق کیا۔