ملتان : وزیر خارجہ شاہ محمود قریشی نے کہا ہے کہ میپکو کے معاملات کی بہتری کےلیے اقدامات اٹھائے جارہے ہیں، لوگوں کے گھروں کے اوپر سے گزرنے والی تاروں کو کور کیا جائے گا۔
ان خیالات کا اظہار وزیر خارجہ شاہ محمود قریشی نے ملتان میں تقریب سے خطاب کیا، انہوں نے کہا کہ لوگوں کی آسانی کےلیے میپکو چیف سے طویل نشست ہوئی ہے، نئے گرڈ اسٹیشن سے 40 ہزار نئے گھریلوں کنکیشن دستیاب ہوں گے۔
ان کا کہنا تھا کہ گرڈ اسٹیشن سے 5 ہزار کمرشنل اور 500 انڈسٹریل کنکیشن دستیاب ہوں گے اور منصوبے میں 51 ملین سے لوگوں کی زندگیوں کو محفوظ بنایا جائے گا۔
شاہ محمود قریشی کا کہنا تھا کہ لوگوں کے گھروں کے اوپر سے گزرنے والی تاروں کو کور کیا جائے گا۔
وزیر خارجہ کا کہنا تھا کہ گیس کنکیشنز کےلیے بھی منصوبہ بندی کی جارہی ہے، ماضی میں مہنگے معاہدوں کی وجہ سے بجلی کے نرخ بڑھے لیکن وزیراعظم نے آئی پی پیز سے نرخوں میں کمی کےلیے بات کی ہے۔
ان کا کہنا تھا کہ مزید کہنا تھا کہ حکومت کی آئی پی پیز کے معاہدوں پر کئی نشتیں ہوچکی ہیں، آئی پی پیز سے نئے معاہدوں سے بجلی کے نرخ میں کمی آئے گی۔
انہوں نے کہا کہ پہلے بجلی کے نئے پاور پلانٹ لگائے گئے جو انتہائی مہنگے تھے، وزیراعظم کو بتایا ان معاہدوں کو از سر نو دیکھیں، معاملات تقریباً طے ہوچکے، اب جو بجلی بنائی جائیگی وہ سستی ہوگی۔
شاہ محمود کا کہنا تھا کہ نئے معاہدوں سے بجلی کے نرخ میں اضافہ رک جائے گا، حکومت نے نئے ڈیمز کا افتتاح کیا بلکہ اس پر کام کا آغاز ہوگیا ہے، ہم ایسے منصوبے لارہے ہیں جس سے آنے والی نسلیں مستفید ہوں گی۔
ان کا کہنا تھا کہ مزید کہنا تھا کہ حکومت کی آئی پی پیز کے معاہدوں پر کئی نشتیں ہوچکی ہیں، آئی پی پیز سے نئے معاہدوں سے بجلی کے نرخ میں کمی آئے گی۔
