تازہ تر ین

ایپل نے چینی ایپ اسٹور سے 47 ہزار سے زائد ایپس ختم کردیں

ویب ڈیسک : ٹیکنالوجی کمپنی ایپل نے چین میں اپنے ایپ اسٹور سے ہزاروں گیمز ہٹا دیں ہیں۔

غیر ملکی خبررساں ادارے کی رپورٹ کے مطابق چین اور امریکا کے درمیان بڑھتی کشیدگی کے باعث ایپل نے چینی ایپ اسٹور سے 47 ہزار سے زائد ایپس ختم کر دی ہیں۔

چین میں غیر ملکی ایپ اسٹورز چلانے کے لیے چینی اشتراک ضروری ہے لیکن ایپل واحد کمپنی ہے جو اپنے آئی فون میں ایپ اسٹور خود مینیج کرتی ہے۔

رپورٹ کے مطابق حال ہی میں ایپل نے اپنی پالیسیز میں تبدیلی کی ہے جس کے تحت چین میں ایپ اسٹور میں سے ان گیمز کو ہٹایا گیا ہے جنہیں کھیلنے کے لیے پیشگی ادائیگی کی جاتی ہے یا انہیں آن لائن کھیلا جاتا ہے۔

 گزشتہ ماہ ایپل نے تقریباً  4 ہزار سے زائد  گیمز ہٹائے تھے جبکہ حال ہی میں صرف 2 دنوں میں ایپل نے  3  ہزار سے زائد   گیمز کو ہٹایا گیا ہے ۔

نئے ضوابط کے تحت گیم ڈویلپرز کو چین کے ایپل ایپ اسٹور میں اپنے ایپس کو اپ لوڈ کرنے سے پہلے چینی  حکام  سے منظوری حاصل کرنا ہوگی۔

سینسر ٹاور کے اعداد و شمار کے مطابق ، چین ایپل کی سب سے بڑی ایپ اسٹور مارکیٹ ہے ، جس میں سالانہ 16.4 بلین ڈالر کی فروخت ہوتی ہےجبکہ  امریکہ میں ،ایک سال میں 15.4 بلین ڈالر ہیں۔

واضح رہے کہ حال ہی میں  امریکی صدر ڈونلڈ ٹرمپ نے چینی ایپلیکیشنز ٹک ٹاک اور وی چیٹ سے تجارتی لین دین پر پابندی عائد کی ہے۔

 امریکی صدر نے چینی ایپلیکیشنز پر پابندیاں ایسے وقت میں عائد کی ہیں جب دونوں ممالک کے درمیان کورونا وائرس اور ہانگ کانگ میں متنازع قانون کو لے کر تعلقات کشیدہ ہیں۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv