ویب ڈیسک : پاکستان کرکٹ ٹیم کے 6 کھلاڑیوں پر مشتمل قومی اسکواڈ کا دوسرا گروپ 3 جولائی بروز جمعہ کو قومی ائیر لائن کے ذریعے مانچسٹر روانہ ہوگا۔
پاکستان انٹرنیشنل ائیر لائنز پر سفر کرنے والے کھلاڑیوں میں فخر زمان، محمد حسنین، محمد حفیظ، محمد رضوان، شاداب خان اور وہاب ریاض شامل ہیں
مانچسٹر پہنچنے کے بعد یہ 6 کھلاڑی بذریعہ بس ووسٹر روانہ ہوجائیں گے جہاں انگلینڈ اینڈ ویلز کرکٹ بورڈ (ای سی بی) ٹیسٹنگ پروگرام کے زیر اہتمام کووڈ 19 ٹیسٹنگ میں منفی رزلٹ دینے پر انہیں اسکواڈ کے دیگر کھلاڑیوں کے ساتھ شامل کرلیا جائے گا۔
خیال رہے کہ انگلینڈ روانگی سے قبل پی سی بی نے تمام کھلاڑیوں کے کورونا ٹیسٹ کیے تھے جس میں 10 کھلاڑیوں کے ٹیسٹ مثبت آگئے تھے اور انہیں انگلینڈ جانے سے رو ک دیا گیا تھا۔
