کر اچی (ویب ڈیسک)پاکستان اور سری لنکا کے درمیان دوسرے ٹیسٹ کی پہلی اننگز میں قومی ٹیم بری طرح ناکام ثابت ہوئی اور پوری ٹیم 191 رنز پر ڈھیر ہو گئی۔کراچی کے نیشنل اسٹیڈیم میں کھیلے جا رہے میچ میں گرین ٹاپ وکٹ پر پاکستان کے کپتان اظہر علی نے ٹاس جیت کر پہلے بیٹنگ کا فیصلہ کیا جو غلط ثابت ہوا۔پاکستان کی جانب سے شان مسعود اور اظہر عابد علی نے اننگز کا آغاز کیا لیکن شان مسعود پہلے ٹیسٹ کی طرح دوسرے ٹیسٹ کی پہلی اننگز میں بھی ناکام ثابت ہوئے اور 5 رن بنا کر بولڈ ہو گئے۔قومی ٹیم کے کپتان اظہر علی بھی دوسری ہی گیند پر اپنا کھاتا کھولے بغیر ہی بولڈ ہو گئے۔راولپنڈی ٹیسٹ میں سنچری اسکور کرنے والے عابد علی 38 رنز بنا کر ایل بی ڈبلیو ہوئے۔ بابر اعظم نے اپنی نصف سنچری مکمل کی اور 60 رنز بنا کر آو¿ٹ ہوئے جب کہ مسلسل آو¿ٹ آف فارم حارث سہیل ایک بار پھر ناکام رہے اور صرف 9 رنز بنا کر پویلین لوٹ گئے۔ محمد رضوان 4 اور یاسر شاہ بغیر کوئی رن بنائے آو¿ٹ ہوئے جب کہ اسد شفیق 63 رنز بنا کر آو¿ٹ ہوئے۔ قومی ٹیم کے 7 کھلاڑی ڈبل فیگر میں بھی داخل نہ ہو سکے، اظہر علی سمیت تین کھلاڑی صفر پر آو¿ٹ ہوئے۔سری لنکا کی جانب سے لہیرو کمارا اور لستھ امبلدینیا نے 4، 4 کھلاڑیوں کو آو¿ٹ کیا جب کہ وشوا فرنینڈو نے دو کھلاڑیوں کو آو¿ٹ کیا۔سری لنکن ٹیم میں بھی ایک تبدیلی کی گئی ہے اور زخمی کسن رجیتھا کی جگہ لیفٹ آرم اسپنر لستھ امبلدینیا کو ٹیم میں شامل کیا گیا ہے۔یاد رہے کہ دونوں ٹیموں کے درمیان راولپنڈی میں کھیلا گیا پہلا ٹیسٹ بارش اور خراب موسم کے باعث ڈرا ہو گیا تھا۔
