زیورخ (نیوز ایجنسیاں، مانیٹرنگ ڈیسک)سوئس حکومت نے پاکستان سمیت 18ممالک کو بینک اکاﺅنٹس کی معلومات دینے کی منظوری دےدی۔سوئٹزرلینڈ کی پارلیمنٹ \ے پاکستان سمیت 18ممالک کو اپنے ملک کے بینکوں میں موجود اکاﺅنٹس کی معلومات دینے کی منظوری دے دی ہے معلومات کی فراہمی کا آغاز 2021سے شروع ہوگا۔ میں سوئٹزرلینڈ نے پاکستان کو سوئس بینک اکاﺅنٹس تک رسائی اور کرپشن کے 2018 خاتمے کیلئے تعاون کی یقین دہانی کرائی تھی۔ واضح رہے کہ سوئس بینکوں میں دنیا بھر سے تعلق رکھنے والے 31لاکھ افراد کے اکاﺅنٹس ہیں۔ 2015میں سوئس بینک کی لیک ہونے والی دستاویزات کے مطابق پاکستانیوں کے سوئس بینکوں میں ایک ارب ڈالر سے زائد رقم موجود ہے۔ سوئٹزرلینڈ کی پارلیمنٹ نے پاکستان سمیت مزید 18 ملکوں سے بینک اکاﺅنٹس کی تفصیلات شیئر کرنے کی اجازت دے دی ہے تاہم اس سہولت سے نئے ممالک 2021 سے فائدہ اٹھاسکیں گے۔ سوئس میڈیا کے مطابق ان ملکوں میں پاکستان، عمان، آذربائیجان، قازقستان، لبنان، برونائی، پیرو سمیت 18 ملک شامل ہیں۔ سوئٹزرلینڈ کے ایوان نمائندگان اور سینیٹ نے گزشتہ دنوں بینک اکاونٹس کی خودکار طریقے سے شیئرنگ کی منظوری دی۔ اس طرح سوئس حکومت ان ملکوں میں اپنے شہریوں کے بینک اکاونٹس کی تفصیلات بھی حاصل کرسکے گی۔ حال ہی میں سوئس حکام نے اس بات کا انکشاف کیا تھا کہ اس معاہدے میں پہلے سے شامل 75 ملکوں سے 31 لاکھ بینک اکاونٹس کی تفصیلات شیئر کی گئی تھیں جس کے جواب میں سوئٹزرلینڈ کو 24 لاکھ سوئس شہریوں کی معلومات حاصل ہوئی تھیں۔ 2018 میں سوئٹزرلینڈ نے پاکستان کو سوئس بینک اکاﺅنٹس تک رسائی اور کرپشن کے خاتمے کیلئے تعاون کی یقین دہانی کرائی تھی۔ واضح رہے کہ سوئس بینکوں میں دنیا بھر سے تعلق رکھنے والے 31 لاکھ افراد کے اکاﺅنٹس ہیں۔ 2015 میں سوئس بینک کی لیک ہونے والی دستاویزات کے مطابق پاکستانیوں کے سوئس بینکوں میں ایک ارب ڈالر سے زائد رقم موجود ہے۔
