نئی دہلی(نیوز چینل ۵) بھارت میں سکھوں کی علیحدگی پسند تحریک عروج پر پہنچ گئی۔ خالصتان کی کرنسی اور پاسپورٹ شائع کر دیا۔ چینل فائیو کی خصوصی رپورٹ کے مطابق بھارت میں خالصتان تحریک نے شدت اختیار کرلی۔ سکھوں نے خالصتان کی کرنسی اور پاسپورٹ بھی شائع کر دیا ہے۔ بھارت کے ٹوٹنے کا باقاعدہ آغاز ہوچکا ہے۔ سکھوں نے بغاوت کرتے ہوئے 5 ڈالر کے نوٹ پر بابا گورونانک کی تصویر شائع کی ہے۔ خالصتان بینک کی جانب سے شائع کرنسی کو ڈ الر کا نام دیا گیا ہے۔ مقبوضہ کشمیر کے زبردستی اپنا حصہ قرار دینے والی حکومت خالصتان تحریک کے باعث نیندیں حرام ہوچکی ہیں۔ سکھوں نے دنیا بھر میں خالصتان تحریک کیلئے تحریک شروع کر دی۔ ناگا لینڈ‘ آسام‘ حیدر آباد‘ دکن میں بھی علیحدگی کی تحریریں سرگرم ہیں۔ بھارتی پنجاب سے الگ کرکے نئی ریاستیں چندی گڑھ اور ہماچل پردیش کو بھی خالصتان کے نقشے میں شامل کیا گیا ہے اس حوالے سے سکھ برادری نے کینیڈا‘ برطانیہ‘ امریکہ اور دیگر ممالک میں بڑے بڑے اجتماعات کرکے خالصتان کی تحریک کو بھرپور انداز سے چلانے کے عزم کا اظہار کیا۔
