انٹر نیشنل کرکٹ کونسل(آئی سی سی) کے زیر اہتمام جاری عالمی کپ کے 35ویں میچ میں آج سری لنکا اور جنوبی افریقہ کا مقابلہ ہوگا۔

لنڈ ن:(ویب ڈیسک)انٹر نیشنل کرکٹ کونسل(آئی سی سی) کے زیر اہتمام جاری عالمی کپ کے 35ویں میچ میں آج سری لنکا اور جنوبی افریقہ کا مقابلہ ہوگا۔دونوں ٹیمیں پاکستان کے معیاری وقت کے مطابق دوپہر2:30 پر چیسٹرلی اسٹریٹ کے کرکٹ گراو¿نڈ میں آمنے سامنے ہوں گے۔ اس میدان میں ورلڈکپ 2019 کا یہ پہلا مقابلہ ہے۔کرکٹ کے اس میدان میں عالمی کپ کا چونکہ یہ پہلا میچ ہے تو پیچ کا صحیح اندازہ لگانا کسی کیلیے بھی ممکن نہیں ہوگا تاہم ماضی میں یہ گراو¿نڈ پہلے گیند بازی کرنے والی ٹیم کیلئے سازگار ثابت ہوا ہے۔اعدادوشمار کےمطابق 9 میں سے پانچ میچز اس ٹیم نے جیتے جس نے بعد میں بلے بازی کی۔ٹیموں کی کار کردگی کا جائزہ لیں تو سری لنکا اپنے آج کے حریف سے کافی بہتر ہے۔ اس نے ٹورنامنٹ کے نصف درجن مقابلوں میں حصہ لیا اور چھ نمبروں کے ساتھ پوائنٹس ٹیبل پر ساتویں پوزیشن ہے۔ورلڈکپ 2019 میں سری لنکنز کی بد قسمتی یہ رہی ہے کہ اس کے سب سے زیادہ میچ بارش سے متاثر ہوئے۔ چھ میں سے دو مقابلے جیتے، دو ہارے اور دو بارش کی نذر ہوگئے۔عالمی کپ میں اب تک آسٹریلیا اور نیوزی لینڈ کے ہاتھوں شکست ہوئی، افغانستان اور انگلینڈ نے سری لنکا سے مات کھائی جب کہ پاکستان اور بنگلہ دیش کا اس ٹیم کے ساتھ مقابلہ بارش کے سبب برابر رہا۔ٹورنامنٹ اپنے اختتام کے قریب پہنچ چکا ہے اور آج کے مقابلے میں شریک دوسری ٹیم جنوبی افریقہ کی کارکردگی تاحال اتنی اچھی نہیں ہے۔ اسے سات میں سے پانچ مقابلوں میں مات ہوئی ایک بارش کی نذر ہوا۔جنوبی افریقہ تین پوائنٹس کے ساتھ اس ٹورنامنٹ میں ساتویں نمبر کی ٹیم ہے اور اس نے اب افغانستان کو ہی شکست دی ہے۔